29/05/2020
Едон Хамбари, победник на националниот натпревар на Европскиот квиз на пари
Овогодишниот победник на националниот натпревар на Европскиот квиз на пари е Едон Хамбари.
Овогодишниот победник на националниот натпревар на Европскиот квиз на пари е Едон Хамбари.
Победник на натпреварот е Едон Хамбари од основното училиште „Исмаил Ќемали“ од Скопје
Македонската банкарска асоцијација ја известува јавноста дека како и во другите европски земји, заради пандемијата на ковид-19, националниот натпревар на Европскиот квиз на пари ќе се одржи на начин различен од претходно објавениот.
На 13 мај 2020 година по електронски пат се одржа деветнаесетата седница на Собранието на Македонска банкарска асоцијација на која се разгледуваше Законот за отпис на камати и репрограмирање на долговите и трошоците на физичките лица донесен на 5-ти февруари 2020 година со кој се предвидува можност за отпишување на пресметани камати и репрограмирање на главниот долг и трошоците кои произлегуваат од старите извршни судски предмети пренесени кај нотарите и извршителите согласно Законот за извршување заклучно со 31 декември 2011 година.
Со задоволство ја информираме јавноста дека денес е донесена Уредбата за начинот на промена на договорните услови на кредитни изложености кај банките и штедилниците подготвена од Народната банка, Министерството за финансии и Правната комисија при Македонската банкарска асоцијација.
Во околности на галопирачки негативен развој на состојбите со пандемијата од КОВИД 19, кога е сеуште невозможно да се согледаат последиците врз нашата економија, свесни дека многу наши компании веќе се соочуваат со проблеми во своето работење, членките на Македонската Банкарска Асоцијација – банки и штедилници се подготвени да излезат во пресрет на сите барања на кредитокорисниците – граѓани и правни лица кои се соочуваат или во иднина ќе се соочат со времена неможност, целосна или делумна, за отплата на своите обврски по кредити.
Банките заедно со Народната банка работат на изготвување решение кое ќе придонесе за олеснување на финансискиот товар на компаниите и населението. Предлози од банките се испратени до централната банка и многу брзо се очекува конечното решение од Народната банка.
На својата шеснаесета седница, одржана на 12.02.2020 година, Собранието на Македонската Банкарска Асоцијација ги прифати Завршната сметка и Извештајот за работа за 2019 година на Македонската банкарска асоцијација.
МАКЕДОНСКА БАНКАРСКА АСОЦИЈАЦИЈА
во соработка со
Народна банка на Република Северна Македонија и
Комисијата за хартии од вредност на Република Северна Македонија
објавува
ЈАВЕН ПОВИК
до основните и средните училишта во Република Северна Македонија
Ги повикуваме основните и средните училишта во Република Северна Македонија за учество во меѓународниот натпревар Европски квиз на пари. Овој квиз е проект на Европската банкарска федерација, фокусиран на финансиската едукација на учениците од 13 до 15 години.
Македонската банкарска асоцијација и Фондот за иновации и технолошки развој денес потпишаа Меморандум за соработка преку кој двете институции се обврзуваат заеднички да работат на олеснување и зголемување на пристапот до финансиски средства за домашните компании, организирање заеднички едукативни и промотивни настани со цел зголемување на финансиската писменост кај компаниите.
На својата последна седница во годината што изминува, одржана на 27 декември во просториите на Асоцијацијата, Собранието на Македонската банкарска асоцијација, под претседателство на д-р Маја Стевкова Штериева, ги прифати принципите за одговорно банкарско работење.
Вчера, 16.12.2019 година, на предновогодишно дружење на Македонската банкарска асоцијација заменик претседателот, Тони Стојановски, им додели признание на лицата со особен придонес во работата на Македонската банкарска асоцијација за 2019 година.
На 7-ми декември 2019 година во Скопје Сити Мол се одржа саемот „Купи куќа, купи стан“ организиран од страна на Министерството за финансии. На саемот со свој штанд беа и членките на Македонската банкарска асоцијација кои се активно вклучени во проектот „Купи куќа, купи стан“, каде може да се аплицира за добивање на субвенциониран кредит.
Македонската банкарска асоцијација заедно со Фондот за осигурување на депозити на 04.12.2019 година (среда) го организираа настанот „Запознај го Фондот за осигурување на депозити“.
Собранието на Македонската банкарска асоцијација на својата четиринаесетта седница, со која претседаваше д-р Маја Стевкова Штериева, го потврди организирањето на националниот натпревар и учеството на финалето на Европскиот квиз на пари, квиз на кој нашата земја како дебитант, минатата година го освои второто место.
Делегацијата на Меѓународниот монетарен фонд, предводена од Бергљот Бјорнсон Баркбу, шеф на мисијата, ја посети Македонската банкарска асоцијација.
На Светскиот ден на штедењето 31-ви октомври Македонската Банкарска Асоцијација и Фондот за осигурување депозити организираа едукативeн настан кој за цел го има стимулирањето на знаењата и развивање на навиките за штедење кај младите.
Македонската банкарска асоцијација и Фондот за осигурување депозити оваа година по повод Светскиот ден на штедењето, 31- ви октомври организираа пригодна прослава.
Македонската банкарска асоцијација и Фондот за осигурување депозити по повод 31-октомври, Светскиот ден на штедењето, во хотелот Холидеј Ин во Скопје, во четврток 31.10.2019 година огранизираат соодветна прослава.
Македонската банкарска асоцијација (МБА) и Банкарската асоцијација на Централна и Источна Европа (БАЦЕЕ) потпишаа договор за долгорочна соработка.
На иницијатива на Грчката банкарска асоцијација на 16 октомври 2019 година во Атина беше организиран состанок на генералните секретари на банкарските здруженија на Албанија, Кипар, Грција, Косово, Црна Гора, Северна Македонија и Србија со цел да се зајакнат односите помеѓу банкарските здруженија на Балканот.
Во Македонската банкарска асоцијација се одржа презентација за најдобрите практики за управување со нефукционаните кредити во Источна Европа.
На работната средба претседателот на Република Северна Македонија, д-р Стево Пендаровски, дискутирашe за предизвиците на банкарскиот сектор.
Фонд за иновации и технолошки развој ги презентираше инструментите за финансиска поддршка на домашните компании пред членките на Македонската банкарска асоцијација во која членуват сите деловни банки и штедилници во РСМ. Целта на иницијативата на ФИТР е изнаоѓање на практични можности и модели за дополнително финансирање кои банките би им ги понудиле на компаниите за развој на нивните бизнис идеи и иновации.
Денес во просториите на Македонската банкарска асоцијација се одржа уште една презентација во соработка со проектот на УСАИД за факторинг и Проект на УСАИД за развој на деловниот екосистем.
На состанокот со членките на Македонската банкарска асоцијација и претставниците на Народната Банка на Република Северна Македонија беа разгледани предлог – одлуки на Народна банка кои се од клучно значење за банкарскиот сектор.
Министерката за труд и социјална политика Мила Царовска со својот тим го промовираше новиот Закон за практиканство пред претставниците на членките на Македонската банкарска асоцијација.
На 16.07.2019 година, вчера, во просториите на Македонска банкарска асоцијација се одржа состанок со претставници на АТТФ. Од страна на АТТФ присуствуваа Бен Лион, директор на House of Training, и Клеир Мозет, кординатор за програми, во придружба на претставник од Министерството за финансии, а со состанокот претседаваше Извршниот секретар на Македонска банкарска асоцијација, Милена Перчинкова.
М-р Тони Стојановски, заменик претседател на Македонска банкарска асоцијација, денес во просториите на асоцијацијата одржа состанок со мисијата на ММФ.
На дванаесетата седница на Собранието на Македонска банкарска асоцијација се одржа презентација за Funderbeam. Funderbeam е платформа за crowdfunding преку која се поврзуваат компаниите кои сакаат да приберат финансиски средства и инвеститорите кои бараат можности за вложување во компаниите во ран развој.
Денес, во просториите на Македонската Банкарска Асоцијација се одржа состанок со претставници на Македонската берза ад Скопје и Централниот депозитар за хартии од вредност ад Скопје, со кои МБА има потпишано меморандуми за соработка.
Претседателка на Македонската Банкарска Асоцијација, Д-р Маја Стевкова Штериева, ја имаше првата средба со претседавачите на комисиите и претседателот на Одборот за избор и следење на референтни банки кои работат во составот на ова банкарско здружение. Притоа деветтемината претседавачи и претседателот на Одборот за избор и следење на референтните банки ја запознаа Д-р Штериева со нивните досегашни активности и плановите за темите, актуелностите и програмите кои ги планираат за периодот што следува.
Вицешампионите на Европскиот квиз на пари, Викторија Панова и Марко Инѓилизов, како и нивниот ментор Марјан Стојановски од гимназијата „Кочо Рацин“ од Велес, за извонредниот успех на финалето во Брисел (Белгија), добија пригодни подароци од иницијаторот и организаторот на Квизот на пари во нашата земја, Македонската банкарска асоцијација.
Д-р Маја Стевкова Штериева e нов претседател на Македонската Банкарска Асоцијација. Aктуелниот Главен финансиски директор и член на Управниот одбор на Комерцијална Банка АД Скопје доаѓа на местото на Коста Митровски, кому според статутот на Македонската банкарска асоцијација поради престанок на неговата функција како член на управен одбор на банка предвреме му заврши мандатот. Ова е и единствената одлука на 11 седница на Собранието на МБА.
Претседателството на Македонската банкарска асоцијација учествуваше на 48-миот состанок на придружните членки на Европската банкарска федерација, кој на 19 и 20 мај годинава се одржа во Баку, Азербејџан.
Во конкуренција на финалисти од дваесет и осум европски земји, претставниците на Република Северна Македонија, младите велешани Викторија Панова и Марко Инѓилизов, го освоија второто место на финалето на Европскиот квиз на парите што се одржа вчера во Брисел, Белгија.
Претседателот на Македонската банкарска асоцијација Коста Митровски, на пригодeн настан во просториите на Асоцијацијата, вчера врачи благодарници за особен придонес за успешното организирање на националниот натпревар во рамки на Европскиот квиз на пари.
Собранието на Македонската Банкарска Асоцијација на 10.04.2019 година ја одржа 10-та по ред седница, на која присуствуваа и претседавачите на комисиите кои работат во склоп на асоцијацијата.
Македонската берза на својата јубилејна 20-та Годишна конференција, што се одржа во Охрид на 29 март, на која присуствуваа и претставници на Македонската банкарска асоцијација, по 12-ти пат ги додели наградите Кристално ѕвоно за најтранспарентно которани акционерски друшта во Република Македонијa.
Марко Инѓилизов: Премногу сум возбуден во моментов. Долго се подготвуваме и искрено не очекував дека ќе победиме, можеби дека ќе бидеме меѓу првите десет. И за нас ова е преголемо изнанадување. Ги охрабруваме сите млади да вложат труд и да учествуваат во овој квиз.
Марко Инѓилизов и Викторија Панова ќе ја претставуваат нашава земја на финалето на Европскиот квиз на парите, што ќе се одржи на 7 мај годинава во Брисел, Белгија. Двајцата од училиштето СОУ „Гимназија Кочо Рацин” Велес, имаа најдобри резултати на националното финале, што се одржа денес на Економскиот факултет при Универзитетот „Св. Кирил и Методиј“ во Скопје, во конкуренција на своите врсници од целата држава.
На својата деветта седница, одржана на 13.03.2019 година, Собранието на Македонската Банкарска Асоцијација, под претседателствување на Коста Митровски ги прифати Завршната сметка и Извештајот за работа за 2018 година на Македонската банкарска асоцијација.
Комисијата за сметководство, даноци и МСФИ при Македонската банкарска асоцијација на својата последна седница, одржана на 11.03.2019 година, со која претседаваше Ирена Кузманоска, ја разгледуваше иницијативата за истоветно прикажување на објавените финансиски извештаи кои банките се должни да ги публикуваат на Македонска берза преку СЕИНЕТ, како и прашања поврзани со Одлуката за методологија за утврдување на адекватноста на капиталот и нејзината примена по измените на Одлуката за методологија за кредитен ризик применлива од 01.07.2019 година.
Македонската банкарска асоцијација, денеска, 31.01.2019 година, потпиша меморандуми за соработка со Македонската берза на хартии од вредност АД Скопје и со Централниот депозитар за хартии од вредност АД Скопје со кои се утврдуваат полињата за кооперација кои се од заеднички интерес во областа на финансиското работење и работењето со хартии од вредност.
Иако помина половина од јануари и новогодишните празници завршија деветмина членови на Македонската банкарска асоцијација се уште имаат причини за прослава. Нивната активност и ангажирање во работата на Македонската банкарска асоцијација во годината што замина, во вторникот (15.01.2019), на пригодна свеченост во просториите на асоцијацијата, беше наградена.
Последната, осма седница на Собранието во годината на своето етаблирање на општествената сцена, Македонската банкарска асоцијација ја одработи на 25.12.2018 година.
Презентирањето на новите трендови во факторингот на банкарските и финансиските институции беше тема на интерактивниот настан одржан во Македонската банкарска асоцијација на 19.12. 2018 година.
Народната банка на Република Македонија (НБРМ) и Македонската банкарска асоцијација (МБА) склучија меморандум за соработка во сферата на финансиската едукација на населението во земјава. Согласно со одредбите од меморандумот, во натамошниот период, НБРМ и МБА, заеднички ќе преземат низа активности коишто ќе бидат насочени кон подигнување на нивото на финансиска писменост, како и унапредување и развивање на финансиската инклузија на популацијата. Во рамки на соработката ќе се преземат и активности за поголема информираност на населението за банкарските услуги во земјава.
Македонската банкарска асоцијација денес склучи меморандуми за соработка со Министерството за образование и наука, Народната банка на Република Македонија и Комисијата за хартии од вредност на Република Македонија. Меморандумите главно се однесуваат на соработката во сферата на финансиската едукација на младата популација, како и на други прашања сврзани со финансиската писменост на населението.
Актуелноста на најавените законски промени на даночниот систем беа тема на шестата седница на МАКЕДОНСКАТА БАНКАРСКА АСОЦИЈАЦИЈА, одржана на 08.11.2018 во Скопје. Став на здружените банкари е дека предложените измени кои се однесуваат на одданочување на доходот од камати на депозити на граѓаните би требало да се одложат се до приемот на земјата во Европската Унија. Тоа би допринело до натамошен раст на штедењето, обезбедување на свеж капитал за стопанството и одржување на стабилноста на банкарскиот сектор.
Во својата премиерна година на егзистирање, Македонската банкарска асоцијација, по повод Светскиот ден на штедењето 31 октомври, ги награди најдобрите банкарски службеници во земјата. На пригодна свеченост, 38 банкарски службеници, од 15 банки и 2 штедилници, и од две финансиски институции, добија признание за нивната работа, награда за нивниот труд, дотолку повредна бидејќи е изнедрена од оценките на нивните непосредни соработници.
МАКЕДОНСКАТА БАНКАРСКА АСОЦИЈАЦИЈА на третата седница, одржана на 22.8.2018 година, усвои правила за избор и обврски на референтни банки кои поставуваат котации на каматни стапки за пресметка на SKIBOR и за процесот на пресметување на SKIBOR. Правилата ќе започнат да се применуваат од 01.10.2018 година.
КОНСТИТУИРАНИ КОМИСИИТЕ И ОДОБРЕН ПРОЕКТ ЗА ЕДУКЦИЈА НА МЛАДИ
Собранието на Македонската банкарска асоцијација на својата втора седница, одржана на 5.7.2018 година (четврток), со почеток во 11:00 часот, во новите простории, на улица Никола Кљусев, број 6, во Скопје, ги конституираше постојаните работни тела на Собранието и ја имплементираше заложбата за образование на младите за финансиските движења.
На 27 и 28 мај 2018 во Скопје МАКЕДОНСКАТА БАНКАРСКА АСОЦИЈАЦИЈА Скопје беше домаќин на 46-тиот состанок на асоцијативните членки на Европската банкарска федерација.
РАЗГЛЕДАНИ АКТУЕЛНИ ПРАШАЊА ВО ВРСКА СО БАНКАРСКАТА РЕГУЛАТИВА
На првата седницата на МБА, одржана на 3.5.2018 година (четврток), со почеток во 11:00 часот, во просториите на Бизнис центарот на ХАЛК банка АД – Скопје, се утврдија основните карактеристики на МБА и беа разгледани најактуелните прашања во врска со банкарската регулатива во земјата.
