Банките и штедилниците подготвуваат јавни понуди при што најголемиот дел од нив, вклучително сите големи банки, постигнаа усогласеност да се понуди одложено плаќање до 6 месеци за кредитокорисниците – физички лица

niksa

МАКЕДОНСКАТА БАНКАРСКА АСОЦИЈАЦИЈА ја информира јавноста дека во согласност со измените и дополнувањата на Одлуката за методологијата за управување со кредитниот ризик, коишто ги донесе Советот на Народната банка и со донесената Уредба со законска сила за начинот на промена на договорни услови на кредитни изложености кај банките и штедилниците, којашто влезе во сила на 27.3.2020 година, нашите членки, веќе започнаа со јавни објави за промени на договорните услови кои ќе се понудат на корисниците на кредитни производи во новонастанатите околности предизвикани од ширењето на КОВИД 19 вирусот.

Денарот е и ќе остане стабилен – нема промени на нивото на неговиот девизен курс

niksa

Имајќи предвид дека во некои медиуми и на социјалните мрежи има објави во коишто се коментираат девизни курсеви на онлајн-платформи, би сакале да укажеме дека овие онлајн-платформи не се релевантен извор за следење на вредноста на денарот. Објавите на овие онлајн-платформи не произлегуваат од реално тргување со валути. Единствен релевантен извор на информации според којшто населението и фирмите може да го следат девизниот курс на домашната валута е курсната листа што ние како централна банка ја објавуваме на нашата веб-страница –www.nbrm.mk. Таа ги отсликува цените на валутите од реалните тргувања на домашниот девизен пазар. На курсната листа којашто е во важност и во моментов, средниот курс на еврото во денари изнесува 61,69 денари.

Донесена Уредба со законска сила за начинот на промена на договорни услови на кредитни изложености кај банките и штедилниците

niksa

Со задоволство ја информираме јавноста дека денес е донесена Уредбата за начинот на промена на договорните услови на кредитни изложености кај банките и штедилниците подготвена од Народната банка, Министерството за финансии и Правната комисија при Македонската банкарска асоцијација.

Ангеловска-Бежоска: Можностите за промена на договорните услови се поповолни за засегнатите граѓани од мерка само со мораториум, се работи на уредба за ефикасна и брза имплементација

niksa

Во интервју за МТВ, гувернерката Анита Ангеловска-Бежоска појасни што сѐ се овозможува со регулаторните измени коишто Советот на Народната банка ги донесе во петокот и одговори на низа прашања поставени во изминатите денови.

Банките и штедилниците подготвени да излезат во пресрет на сите барања на кредитокорисниците кои се соочуваат со времена неможност за отплата на кредитите

niksa

Во околности на галопирачки негативен развој на состојбите со пандемијата од КОВИД 19, кога е сеуште невозможно да се согледаат последиците врз нашата економија, свесни дека многу наши компании веќе се соочуваат со проблеми во своето работење, членките на Македонската Банкарска Асоцијација – банки и штедилници се подготвени да излезат во пресрет на сите барања на кредитокорисниците – граѓани и правни лица кои се соочуваат или во иднина ќе се соочат со времена неможност, целосна или делумна, за отплата на своите обврски по кредити.

Банките и НБ подготвуваат решение да се олесни товарот на компаниите и населението

niksa

Банките заедно со Народната банка работат на изготвување решение кое ќе придонесе за олеснување на финансискиот товар на компаниите и населението. Предлози од банките се испратени до централната банка и многу брзо се очекува конечното решение од Народната банка.

Банките, штедилниците, менувачниците и правните субјекти коишто даваат услуга брз трансфер на пари продолжуваат да работат

niksa

Почитувани граѓани,

Ве известуваме дека и по прогласувањето на вонредна состојба, финансиските институции за коишто Народната банка е надлежен регулаторен и супервизорски орган (банки, штедилници, менувачници и правни субјекти коишто даваат услуга брз трансфер на пари) продолжуваат да работат и да ги извршуваат своите клучни функции, со што нивните услуги и натаму ќе ви бидат достапни.

(Обновено) МБА со мерки и препораки за превенција и заштита од COVID-19 (корона вирус)

niksa

Македонската банкарска асоцијација и сите нејзини членки редовно ги следат заклучоците, мерките и препораките на Владата на Република Северна Македонија за справување со заканата од вирусот COVID 19 (корона вирус).

Јавен повик до основните и средните училишта во Република Северна Македонија

niksa

МАКЕДОНСКА БАНКАРСКА АСОЦИЈАЦИЈА
во соработка со
Народна банка на Република Северна Македонија и
Комисијата за хартии од вредност на Република Северна Македонија

објавува

ЈАВЕН ПОВИК
до основните и средните училишта во Република Северна Македонија

Ги повикуваме основните и средните училишта во Република Северна Македонија за учество во меѓународниот натпревар Европски квиз на пари. Овој квиз е проект на Европската банкарска федерација, фокусиран на финансиската едукација на учениците од 13 до 15 години.

„Со Народната банка во светот на финансиите“ – нов проект за финансиска едукација

niksa

Народната банка ги засилува активностите за користење на современите форми на комуникација заради финансиска едукација на населението и заштита на потрошувачите на финансиски услуги.

Прослава за светскиот ден на штедењето 2019

niksa

Македонската банкарска асоцијација и Фондот за осигурување депозити по повод 31-октомври, Светскиот ден на штедењето, во хотелот Холидеј Ин во Скопје, во четврток 31.10.2019 година огранизираат соодветна прослава.

МБА апелира сите членки да се вклучат во „Купи куќа, купи стан”

niksa

Претседателот на Македонската банкарска асоцијација, Коста Митровски апелираше до банките членки на асоцијацијата кои досега не се вклучени во програмата „Купи куќа, купи стан”, тоа да го сторат. Истакнувајќи дека со тоа ќе се обезбедат подобри услови за граѓаните, Митровски ги поздрави измените на условите за добивање на субвенционирани станбени кредити, измени подготвени од Министерството за финасии, а презентирани од министерот Драган Тевдовски. Засега половина од членките на МБА, во чии простории се одржа презентацијата, се вклучени во овој проект.

Информација за лажно претставување преку електронски пораки

niksa

„Почитувани,

Во изминатиов период, забележана е појава на испраќање електронски пораки до е-адреси на лица од Република Македонија со лажно претставување (англ. email spoofing). Поконкретно, лажното претставување во пораките е во име на некоја институција или организација или, пак, во име на поединец, а со нив испраќачите имаат за цел, повикувајќи се на злоупотребениот/лажниот идентитет, противправно да остварат финансиска корист и/или да приберат лични податоци коишто потоа можат да бидат злоупотребени. Во дел од пораките што се упатени до одредени е-адреси на лица од земјава, непознатите испраќачи лажно се претставуваат во име на меѓународни и домашни финансиски институции, вклучително и во име на нашата институција, при што пораките не се испратени од системите на институциите.

Оттука, укажуваме на потребата од внимателно постапување доколку имате добиено или ако во натамошниот период добиете вакви пораки за коишто цените дека се од сомнителен карактер, односно пораки во коишто ви се нуди нешто што не делува остварливо и вистинито и во коишто има претставување во име на финансиска институција, вклучително и во име на НБРМ. Поконкретно, доколку не сте сигурни дека станува збор за порака испратена од легитимна е-адреса на финансиска институција, укажуваме дека е потребно да ја игнорирате таквата порака и да не започнувате комуникација во којашто ќе дадете ваши лични податоци или ќе одговорите на барање за трансакција/уплата на ваши средства на некоја банкарска сметка.

Доколку, сепак, мислите дека електронската порака можеби е испратена од финансиска институција, соодветно е најпрво да се обратите до институцијата, вклучително и до НБРМ, ако некој настапил во име на централната банка. Притоа, доколку сакате вашето обраќање да го остварите преку е-пошта, соодветно е да го направите тоа преку нова, а не како одговор на сомнителната е-порака. Официјаната е-адреса за комуникација со НБРМ е: info@nbrm.mk.

Народна банка на Република Македонија

Јавен повик до основните и средните училишта во Република Македонија

niksa

Македонската банкарска асоцијација
во соработка со
Министерството за образование и наука,
Народната банка на Република Македонија и
Комисијата за хартии од вредност на Република Македонија

објавува

ЈАВЕН ПОВИК

до основните и средните училишта во Република Македонија

Ги повикуваме основните и средните училишта во Република Македонија за учество во меѓународниот натпревар Европскиот квиз на парите. Овој квиз е проект на Европската банкарска федерација, фокусиран на финансиската едукација на учениците од 13 до 15 години.