На 06.6.2022 по доделувањето на наградите за националниот натпревар Европски квиз на парите, од страна на претседателката на МБА д-р Маја Стевкова-Штериева, заменик-претседателот м-р Тони Стојановски, гувернерката на Народната Банка д-р Анита Ангеловска-Бежоска и комисионерот д-р Зоран Колев од Комисијата за хартии од вредност, победниците на натпреварот ја посетија Македонска Берза АД Скопје.
Денес, во Македонската банкарска асоцијација (МБА) претседателката д-р Маја Стевкова- Штериева, заменик претседателот м-р Тони Стојановски, гувернерката д-р Анита Ангеловска-Бежоска и комисионeрот д-р Зоран Колев ги поздравија најдобро пласираните на овогодинешното издание на националниот натпревар за Европскиот квиз на парите и нивните ментори.
Учениците Матеја Талеска и Дино Дановиц, од СУГС „Joсип Броз Тито“, под менторство на професорката Емилија Величкова, беа наши претставници на финалето на Европскиот квиз на парите, коешто се одржа денеска преку електронска платформа.
Стефанија Сарафимова е родена на 5 јули 2006 година во Кавадарци. Таа е одлична ученичка и е запишана во прва година во Средното општинско училиште Гимназија „Добри Даскалов“ во Кавадарци.
Матеја Талеска е член на победничкиот тим кој ќе ја претставува нашата земја на европското финале на овогодишниот Европски квиз на пари.
Наши претставници на Европското финале на Европскиот квиз на парите ќе бидат учениците од училиштето СУГС „Joсип Броз Тито“ – Скопје, Матеја Талеска и Дино Дановиц, под менторство на професорката Емилија Величкова, кои на националниот натпревар успеаа да ги победат останатите 439 тима, од кои 423 тима се натпреваруваа на македонски, а 16 тима на албански јазик.
Денес со пријавените ментори од 73 основни и средни училишта од нашата земја и нивните ученици од 186 одделенија односно класови, се одржа виртуелна работна средба за подготовка за овогодинешниот Европски квиз на пари – еден од најзначајните меѓународни настани чија цел е финансиска едукација на учениците од 13 до 15 години.
МАКЕДОНСКА БАНКАРСКА АСОЦИЈАЦИЈА
во соработка со
Народна банка на Република Северна Македонија и
Комисијата за хартии од вредност на Република Северна Македонија
објавува
ЈАВЕН ПОВИК
до основните и средните училишта во Република Северна Македонија
Ги повикуваме основните и средните училишта во Република Северна Македонија за учество во меѓународниот натпревар Европски квиз на парите. Овој квиз е проект на Европската банкарска федерација за финансиска едукација на учениците од 13 до 15 години.
