Одбележан Светскиот ден на штедењето

29/10/2021

Одбележан Светскиот ден на штедењето

Одбележувањето на Светскиот ден на штедењето, 31 октомври, денот кога се потсетуваме колку е важно да се има финансиска сигурност во вид на заштеда и долгорочно да се штеди за остварување на поставените цели, Македонската банкарска асоцијација оваа година го организираше во хибриден формат. Прославата со ограничен број присутни се одржа во хотел Мериот, Скопје а можеше да се следи во живо на Јутуб каналот на Асоцијацијата.

На настанот пред најдобрите службеници во банкарскиот сектор за 2021 година се обратија претседателката на Македонската банкарска Асоцијација д-р Маја Стевкова Штериева, министерот за финансии д-р Фатмир Бесими, вицегувернерката на Народната банка м-р Ана Митреска и директорот на Фондот за осигурување на депозити Амир Шабани.

Претседателката на Македонската банкарска Асоцијација, д-р Маја Стевкова Штериева, поздравувајќи ги присутните и честитајќи го празничниот ден изјави:

„Да се биде банкарски работник кој работи со население, во денешно време, е многу различно од истата активност пред триесет години. Зошто токму 30 години? Го одбрав овој број бидејки асоцира на бројот на години на независнот на Република Северна Македонија, што впрочем и се прославуваше оваа година. И ја користам оваа прилика индиректно да истакнам колку многу банките го унапредиле своето работење во делот на работа со население, што во големе мера придонело за континуирано зголемување на депозитите и зголемена доверба во банките.“

Таа исто така истакна дека:

„Денес Македонската банкарска асоцијација оперативно работи преку дванаесет комисии од разни области, во кои се вклучени повеќе од 200 врвни професионалци од банкарскиот сектор.
Овој силен стручен човечки потенцијал кој го поседува Македонската банкарска асоцијација, секојдневно работи за унапредување на интересите на целиот банкарски сектор, но исто така, ставен е на располагање на сите институции во делокругот на нашето работење, во интерес на нашите клиенти, а со тоа и на граѓаните на нашата држава.“

Напоменувајќи ги специфичните економските текови во државата во услови на пандемија министерот за финансии, д-р Фатмир Бесими изјави дека годинава може да се достигне и повисоко ниво на раст од проектираниот од 4,1 процент раст на БДП. Притоа Бесими најави развој на финансискиот пазар.

„Ќе развиваме финансиски пазар кадешто граѓаните ќе имаат можност да ги вложат своите средства во разни инструменти, затоа што конкуренцијата е здрава за економијата, здрава за растот и за развој, што пак ќе значи подобри економски позиции за нашата економија“, истакна Бесими.

До 31 август вкупните депозити изнесуваат 63 проценти од Бруто домашниот производ.

Бесими порача дека е важно граѓаните да ги вложуваат своите слободни средства во банките бидејќи на тој начин не губат од својата вредност, а истовремено значат нови инвестиции и вработувања бидејќи банките тие средства ги алоцираат во бизнисите.

Зборувајќи за значењето на инвестициите Бесими се осврна на Планот за забрзан економски раст, каде инвестициите претставуваат клучна компонента во однос на моделот за раст.

Главната цел на Планот како што рече Бесими е „бруто инвестициите од актуелните 30 проценти од БДП да достигнат ниво од 36,2 проценти, што значи само јавните инвестиции ќе достигнат една милијарда евра во текот на 2026 година“.

Пандемијата го зголеми штедењето и овој процес е глобален феномен, што се должи на три причини, посочи вицегувернерката на Народната банка, м-р Ана Митреска.

„Прво, и покрај рецесијата, расположливиот доход не претрпе намалување, делумно и заради фискалниот импулс за поддршка на платите и работните места. Понатаму, со оглед на природата на кризата, рестриктивните мерки и лимитирањето на движењето, дел од населението се соочи со принудно намалување на потрошувачката, пред сѐ потрошувачка на различни услуги, која е карактеристична за лица со поголем доход и со поголем капацитет и склоност за штедење. Трето, со оглед на тоа што сите идни економски текови се условени од исклучително неизвесната епидемиолошка крива, во ваков амбиент, мотивот на претпазливост има голема улога во однесувањето на штедачите“, истакна Митреска и посочи дека и кај нас депозитниот потенцијал се зголемува со релативно сoлиден интензитет од над 8% на годишна основа, со што динамиката на зголемување е многу слична онаа од периодот 2018-2019 година.

Директорот на Фондот за осигурување депозити, Амир Шабани изјави дека:

„Фондот за осигурување на депозити ја задржува улогата на гарант на депозитите на граѓаните во Република Северна Македонија и успешно придонесува во градење на довербата кон банкарскиот систем. Како еден од трите столбови на финансиска стабилност, институцијата континуирано и успешно соработува со Македонската Банкарска Асоцијација, како и со сите свои членки, банки и штедилници. Потврда за тоа е брзата и успешна исплата на последниот случај на исплата на обесштетување на депонентите од Еуростандард банка АД Скопје во стечај, која се одвива преку 4 банки исплатувачи.“

Признание за постигнати особени резултати во нивната работа оваа година добија 33 службеници од 13 банки, 2 штедилници, Клириншката куќа КИБС и Македонското кредитно биро.

НАЈДОБРИ СЛУЖБЕНИЦИ 2021 ГОДИНА

1. Комерцијална банка АД Скопје

Афродита Георгиевска – Самостојна Дирекција за управување со мрежата на филијали (Скопје)
Никола Карапејевски – Сектор за работа со население- Дирекција за кредитирање на население
Марјан Гулески – Самостојна Дирекција за управување со мрежата на филијали (Филијала Прилеп)

2. Стопанска банка АД Скопје

Маргарита Србиновска, советник за СБ ексклузив клиенти во филијала Струга, Западен Регион
Елена Атанасова, раководител на служба за продажба во филијала Битола Веро, Централен Регион
Мери Секуловска, раководител на служба за продажба во филијала Маџари, Регион Скопје

3. НЛБ банка АД Скопје

Марија Секулоска – Банкарски комерцијалист во продажна мрежа, вработена во експозитура Кичево
Ивана Николовска – Банкарски комерцијалист во продажна мрежа, вработена во експозитура Ѓорче Петров
Даниела Андова – Банкарски комерцијалист во продажна мрежа, вработена во експозитура Капиштец

4. Шпаркасе банка Македонија АД Скопје

Марија Мано Петковски – благајник, експозитура Битола
Радмила Јованова – соработник за мали и средни претпријатија, регион Исток
Марија Гениќ – соработник за население, експозитура Буњаковец

5. Халк банка АД Скопје

Мартина Ангелевска – Референт за банкарски операции –Филијала Битола
Шенур Абедин – Референт за банкарски операции –Филијала Охрид
Марко Томиќ – Референт за банкарски операции –Филијала Куманово

6. Прокредит банка АД Скопје

Теута Реџепи – Советник за клиенти – ПроКредит Банка Скопје
Сузана Спасиќ – Советник за клиенти – ПроКредит Банка Скопје

7. Универзална инвестициона банка АД Скопје

Маја Аврамоска – референт на фронт во екс. Кичево
Александар Најдевски – референт на благајна во екс.Ѓорче Петров

8. Стопанска банка АД Битола

Елена Паламидовска Ѓореска – референт за работа со благајна во експозитура Стара Зграда
Милица Поповски – стручен соработник за работа со физички лица во експозитура Стара Зграда

9. Развојна банка на Република Северна Македонија АД Скопје