Одржана деветнаесетата седница на Собранието на Македонска банкарска асоцијација

На 13 мај 2020 година по електронски пат се одржа деветнаесетата седница на Собранието на Македонска банкарска асоцијација на која се разгледуваше Законот за отпис на камати и репрограмирање на долговите и трошоците на физичките лица донесен на 5-ти февруари 2020 година со кој се предвидува можност за отпишување на пресметани камати и репрограмирање на главниот долг и трошоците кои произлегуваат од старите извршни судски предмети пренесени кај нотарите и извршителите согласно Законот за извршување заклучно со 31 декември 2011 година.

Шеснаесета седница на Собранието на Македонска банкарска асоцијација

На својата шеснаесета седница, одржана на 12.02.2020 година, Собранието на Македонската Банкарска Асоцијација ги прифати Завршната сметка и Извештајот за работа за 2019 година на Македонската банкарска асоцијација.

15 Седница на Собранието на МБА – Прифатени принципите за одговорно банкарско работење

На својата последна седница во годината што изминува, одржана на 27 декември во просториите на Асоцијацијата, Собранието на Македонската банкарска асоцијација, под претседателство на д-р Маја Стевкова Штериева, ги прифати принципите за одговорно банкарско работење.

ЧЕТИРИНАЕСЕТТА СЕДНИЦА НА СОБРАНИЕТО НА МБА

Собранието на Македонската банкарска асоцијација на својата четиринаесетта седница, со која претседаваше д-р Маја Стевкова Штериева, го потврди организирањето на националниот натпревар и учеството на финалето на Европскиот квиз на пари, квиз на кој нашата земја како дебитант, минатата година го освои второто место.

Собранието на МБА ги прифати извештаите за работа на комисиите

Собранието на Македонската Банкарска Асоцијација на 10.04.2019 година ја одржа 10-та по ред седница, на која присуствуваа и претседавачите на комисиите кои работат во склоп на асоцијацијата.

Деветта седница на Собранието на Македонската банкарска асоцијција

На својата деветта седница, одржана на 13.03.2019 година, Собранието на Македонската Банкарска Асоцијација, под претседателствување на Коста Митровски ги прифати Завршната сметка и Извештајот за работа за 2018 година на Македонската банкарска асоцијација.

Осма седница на собранието на Македонската банкарска асоцијација

Усвоенa програмата за работа, благодарност до најактивните

Последната, осма седница на Собранието во годината на своето етаблирање на општествената сцена, Македонската банкарска асоцијација ја одработи на 25.12.2018 година.

Шеста седница на собранието на МБА

Актуелноста на најавените законски промени на даночниот систем беа тема на шестата седница на МАКЕДОНСКАТА БАНКАРСКА АСОЦИЈАЦИЈА, одржана на 08.11.2018 во Скопје. Став на здружените банкари е дека предложените измени кои се однесуваат на одданочување на доходот од камати на депозити на граѓаните би требало да се одложат се до приемот на земјата во Европската Унија. Тоа би допринело до натамошен раст на штедењето, обезбедување на свеж капитал за стопанството и одржување на стабилноста на банкарскиот сектор.

Трета седница на МБА

МАКЕДОНСКАТА БАНКАРСКА АСОЦИЈАЦИЈА на третата седница, одржана на 22.8.2018 година, усвои правила за избор и обврски на референтни банки кои поставуваат котации на каматни стапки за пресметка на SKIBOR и за процесот на пресметување на SKIBOR. Правилата ќе започнат да се применуваат од 01.10.2018 година.

Втора седница на Собранието на Македонската банкарска асоцијација

КОНСТИТУИРАНИ КОМИСИИТЕ И ОДОБРЕН ПРОЕКТ ЗА ЕДУКЦИЈА НА МЛАДИ

Собранието на Македонската банкарска асоцијација на својата втора седница, одржана на 5.7.2018 година (четврток), со почеток во 11:00 часот, во новите простории, на улица Никола Кљусев, број 6, во Скопје, ги конституираше постојаните работни тела на Собранието и ја имплементираше заложбата за образование на младите за финансиските движења.

Одржана првата седница на Собранието на Македонската банкарска асоцијација

РАЗГЛЕДАНИ АКТУЕЛНИ ПРАШАЊА ВО ВРСКА СО БАНКАРСКАТА РЕГУЛАТИВА

На првата седницата на МБА, одржана на 3.5.2018 година (четврток), со почеток во 11:00 часот, во просториите на Бизнис центарот на ХАЛК банка АД – Скопје, се утврдија основните карактеристики на МБА и беа разгледани најактуелните прашања во врска со банкарската регулатива во земјата.