МБА ги претставува новоименуваните челници на комисиите: М-р Златица Цивкароски – претседавач на Комисијата за финансиско реструктурирање на корпоративен долг

Македонската банкарска асоцијација ги претставува новоименуваните челници на комисиите кои како постојани работни тела функционираат во рамките на Асоцијацијата: М-р Златица Цивкароски – претседавач на Комисијата за финансиско реструктурирање на корпоративен долг

М-р Златица Цивкароски е член на Управниот одбор на Шпаркасе Банка АД Скопје од 1 април 2024 година. Со 20-годишно искуство во банкарскиот сектор, од кои 12 години на раководни и менаџерски позиции, таа е одговорна за стратешко управување со ризик, кредитен ризик и наплата, како и за усогласеност со регулативите, СППФТ и правни работи.

Во текот на својата кариера, м-р Цивкароски има завршено бројни специјализирани обуки и едукативни програми во областа на управувањето со ризици, вклучувајќи и групациски лиценци од оваа област.

Како докажан професионалец, покрај својата менаџерска улога, таа е активно вклучена во работата на МБА и Комисијата за финансиско реструктурирање на корпоративен долг уште од нејзиното основање. На 49. седница на Собранието на МБА беше избрана за претседавач на Комисијата, со мандат од четири години.