Прослава за светскиот ден на штедењето 2019

Македонската банкарска асоцијација и Фондот за осигурување депозити по повод 31-октомври, Светскиот ден на штедењето, во хотелот Холидеј Ин во Скопје, во четврток 31.10.2019 година огранизираат соодветна прослава.

Свое обраќање за значењето на штедењето ќе имаат претседателката на Македонската банкарска асоцијација д-р Маја Стевкова Штериева, министерката за финансии на РСМ д-р Нина Ангеловска, гувернерката на Народната банка на РСМ д-р Анита Ангеловска Бежовска и директорот на Фондот за осигурување депозити Борче Хаџиев.

На најдобрите службеници во изминатата година ќе им бидат доделени соодветни плакети. Свои моменти ќе имаат и учениците од основните и средни училишта и студентите, кои ќе бидат едуцирани за значењето на штедењето, а ќе биде промовиран и Европскиот квиз на парите, во кој минатата година имавме голем успех, освојувајќи го второто место на Стариот континент.