Одржан трет работен состанок за MiCreS проектот
Третиот работен состанок на партнерите на MiCreS проектот се одржа на 13. март 2025 година, во Милано, Италија, и уште еднаш ги собра експертите од областа за продлабочена размена на увиди, искуства и нови можности. Настанот, чиј домаќин беше здружението на италијански банки, ABI – Associazione Bancaria Italiana, обезбеди платформа за зајакнување на соработката и истражување на нови стратегии за раст и иновации.
Од ангажирани дискусии до вредни моменти за вмрежување, собирот ја зацврсти заедничката посветеност на партнерите на MiCreS проектот за извонредност и континуиран развој. Македонската банкарска асоцијација ја претставуваа претседателката д-р Маја Стевкова Штериева и извршниот секретар м-р Милена Перчинкова.
Третиот состанок беше обележан со неколку клучни моменти: достигнувања во 2024 година, наредна фаза од проектот, односно работниот пакет 3– развој и тестирање на акредитиран микро-акредитив за Green Finance во Ирска и Малта, периодичен извештај – преглед на досегашните резултати и влијание, и следни чекори – отворајќи го патот за поодржлива иднина во образованието и финансиите. Работниот пакет 3 е наменет за развој на прототип на т.н. „зелен“ микро-акредитив кој ќе биде тестиран во рамките на пилот земји.
Во овој тригодишен проект покрај МБА како партнери на Франкфуртската школа за финансии и менаџмент учествуваат институции од Белгија – European Banking and Financial Services Training Association (EBTN), Романија – Institutul Bancar Roman (IBR), Малта – Institute of Financial Services (IFS Malta) и Malta Union of Bank Employees (MUBE), Шпанија – FUNDACIÓ PRIVADA INSTITUT D’ESTUDIS FINANCERS (BFS-IEF), Србија – Udruženje banaka Srbije ASSOCIATION OF SERBIAN BANKS (ASB), Турција – IFE Istanbul Finans Enstitusu Egitim ve Danismanlik Hizme (IFE), Италија – Finance & Banking, Associazione per lo Sviluppo Organizzativo e delle Risorse UМANE (EFFEBI), Ирска – Banking & Payments Federation Ireland (BPFI) и The Institute of Bankers in Ireland (IOB).
