МОН и Македонската банкарска асоцијација ќе работат на унапредување на финансиската едукација на учениците

Министерката за образование и наука проф. д-р Весна Јаневска денеска оствари средба со Милена Перчинкова, извршен секретар на Македонската банкарска асоцијација, и д-р Беркан Имери, член на Комитетот за едукација при МБА, на која се дискутираше за продлабочување на соработката за унапредување на образованието за финансиска писменост на учениците.

Министерката Јаневска изрази задоволство што Македонската банкарска асоцијација изразува интерес за учество во процесот на креирање на новите наставни програми во основното образование, како и за спроведување на повеќе активности за афирмација на финансиската едукација меѓу младите.

Двете страни се согласни дека колку повеќе младите се едуцираат во областа на финансиите и економијата, толку поуспешна ќе биде нивната финансиска иднина.