Настани
13/10/2025

Одржан годишниот состанок на Европската тренинг асоцијација за банкарство и финансиски услуги (EBTN)

niksa

На 10.10.2025 година во Букурешт, Романија се одржа годишниот состанок на Европската тренинг асоцијација за банкарство и финансиски услуги (European banking and finаncial services training association, EBTN), чиј што домаќин и организатор беше Романскиот банкарски институт – Romanian Banking Institute (RBI). 

Состанокот на членовите на EBTN е настан што ги обединува водечките професионалци во банкарското образование од цела Европа – инспиративна заедница посветена на обликување на иднината на финансиските услуги. На состанокот присуствуваа претставници од 20 банкарски институти и асоцијации од Европа, членки на EBTN. 

Македонската банкарска асоцијација ја претставуваа претседателката на МБА, д-р Маја Стевкова Штериева, и Јована Лозановска, одговорно лице на одделението за едукација.

Со забрзувањето на дигиталната трансформација и појавата на нови предизвици, потребата од опремување на банкарската работна сила со соодветни вештини, знаење и отпорност никогаш не била поитна. Денес, 90% од работните места бараат основни дигитални вештини, но само 54% ​​од работниците во ЕУ го исполнуваат овој стандард, според Европската комисија. Овој јаз во дигиталните вештини претставува реален ризик за финансискиот сектор, каде што познавањето на технологијата станува клучно. Во исто време, се очекува глобалните трошоци за сајбер криминал да пораснат на 10,5 трилиони евра годишно до 2025 година, зајакнувајќи ја критичната потреба за робусна сајбер безбедност и отпорност во секоја финансиска институција. Во меѓувреме, над 70% од европските банки веќе ги интегрираат ESG критериумите во своите основни стратегии, водени од регулативите на ЕУ – со што постојаното усовршување и обука станаа витален дел од усогласеноста, управувањето и одржливиот раст.

Состанокот, насловен Future-Proof Banking: Talent, Resilience & Innovation in a Digital World опфати стручни презентации од четири основни теми:

  • The Future Banker: Building Fintech-Ready Talent for the Digital Finance Era
  • The Dark Side of the Digital Age: Trends and Threats in Cybercrime
  • New elements in the ESG regulatory landscape: strategic role of training in the implementation
  • Cyber resilience of financial institutions – priority objective of “The Path to the Digital Decade – 2030”