МБА ги претставува новоименуваните челници на комисиите: Јоли Блажевска Христовска – заменик претседавач на Комисијата за човечки ресурси

Македонската банкарска асоцијација ги претставува новоименуваните челници на комисиите кои како постојани работни тела функционираат во рамките на Асоцијацијата: Јоли Блажевска Христовска – заменик претседавач на Комисијата за човечки ресурси

Јоли Блажевска Христовска е дипломиран правник, докажан професионалец, со повеќе од 18 години искуство во меѓународни компании, во областа на управување со човечки ресурси и разбирање на правните аспекти на работните односи.

Во текот на својата кариера има завршено бројни специјализирани обуки и едукативни програми во областа на човечките ресурси.

По преминот во банкарскиот сектор во 2022 година како директор на Дирекција човечки ресурси во Уни Банка АД Скопје, станува активен член на Комисијата за човечки ресурси при МБА, каде значајно придонесува за развој и дефинирање на најдобри практики во оваа област.

На 49. седница на Собраниетo на МБА, Јоли Блажевска Христовска беше избрана за заменик претседавач на Комисијата за човечки ресурси со мандат во траење од 4 години.