Одржан работен состанок за MiCreS проектот во Малта

Македонската банкарска асоцијација со гордост учествува во европскиот проект MiCreS, придонесувајќи кон развојот на иновативни микро-квалификации во банкарскиот и финансискиот сектор.

Оваа недела, на 26 и 27 март во Малта, претседателката на МБА, д-р Маја Стевкова Штериева присуствува на динамична работна сесија на партнерите на MiCreS проектот организирана од Institute of Financial Services Malta (IFS) Malta.

Сесијата е посветена на преглед на напредокот на проектот, презентација на пилот-активностите од Ирска и Малта, како и подготовка за завршната конференција. Воедно, настанот овозможува и значајни можности за вмрежување, размена на знаења и усогласување на следните чекори. Дополнително, во Малта, претседателката на МБА присуствува и на состанок на членките на Европската тренинг асоцијација за банкарство и финансиски услуги (European banking and finаncial services training association EBTN).

Заедно со реномирани партнери — Frankfurt School of Finance & Management, IOB, EBTN, Effebi, EfVET, Romanian Banking Institute, Association of Serbian Banks, Banking & Payments Federation Ireland, Malta Union of Bank Employees и İFE İstanbul Institute of Finance — работиме на создавање силен европски екосистем за микро-квалификации во банкарството и финансиите.

Оваа соработка претставува значаен чекор кон зајакнување на меѓународните партнерства, споделување експертиза и обликување на иднината на финансиска едукација во Европа.